Von Lebbele noh Ööskirche

Von Dr. Ernst Winter, Liblar

Leev Hääre !

Hück han ich m'r dä „Heimatkalender des Kreises Euskirchen“ jejolde. Et es jo jet spät, für 'ne Kalender ze jelde, weil m'r als Aujuß (1958) schrieve, ävver ich hat d'r doch zapparalot övverhaups keene Idee, dat et esujet jov! On han well m'r dat Dinge doch, och wenn mÄr als d'r Aujuß schrieve on et zwanzig Jrosche koß. Ich han och ald et joot Stöck dovon jelässe on mich ihrlich drövver jefreut. Wofür hat Ühr für dat Dönge net vill mih Reklaam jemaht? Do senn janz bestimmb noch mallich Löch, die nix vun däm Kalender wesse!

Im Schloßpark von Liblar
Zeichnung - Virnich

Ävver dat sall mich jo ooch nix anjonn! Ich han eejentlich bloß ene Vorschlag maache wolle und han mich verschwaad! - On wat menge Vorschlag aanbelang: hee es et, wat ich m'r usjeknuuf han:

Ür Hääre maaht Üch doch marjandjosep=vill Mööh, öm d'r Heimatstoz vun d'r Ööskircher Landslöck huhzehahlen. Dat hätt m'r d'r Heimatkalender jezeeg! Wie wör et nu, wann Ühr ens jet janz Apats donn däht, wat noch net ens vill koß: Em Ööskercher Krees jitt och doch mallich jenoog aal Wievcher on Knüüver, die hee jeboore sen, hee jlääv han und hee och sträve wolle. Für all die Aale es die aal Ööskircher Knollebahn, die vür däm Triebwage von Ööskirche noh Lebbele fuhr, e Stöckche Lävve gewäß on bedöck für man eenen ene janze Sack voll Erinnerung! - Ich weß net, of Ühr noch een von dä aale Lokomotivcher irgends stonn hatt on och e paar von dä aal Wage met d'r Offenspief us'm Dach erus und met däm schönen Kanoneoffe! Wenn Ühr dat aale Spöll noch hat, dann wührt ich an Ührer Stell domet en Sonderfahrt von Ööskriche noh Lebbele enlääje on dozoo op jideener Station die aal Lückcher us dem Ööskirchener Krees zsteieje lohs, die Ühr mallich für dä Daag enjelaade hat. En Musikkapell wührt op d'r Fahrt opspelle, dat Lokomotivcher wührt bimmelen on flööte - - on die Aale wööre jlöcklich. „Die letzte Ehrenfahrt der ältesten Deutschen Kreisbahn“ stönd op dä Wage von d'r Knollebahn ...

On wann m'r dat d'r Schollkinder on d'r Vereine en dä eenzelne Dörper vürher kloorjemaht hätt, woröm et sich drieht, dann stonn janz bestemmb op jeder Station de Schollkinder on senge e Leedche vüür die aal Lückcher on für die aal Bahn. On Streukooche met Kaffee on e paar Fläschche Bier on e Dröpche senn och do, wie ich die Ööskirchener Lück kenne. M'r moß et inne bloß saage!

Övverläht Üch dat ens, ov sich dat maache litt! - On nix für onjoot!

Zackerjüh, jet hann ich dä Breef doch en Ööskircher Platt jeschrevve on weß net ens, ov Ühr dat och noch verstooht! En däm Heimatkalender stonn nämentlich bloß zwei Sprüchelcher op Platt - on die senn Kölsch, on net en onsere Buuresprooch jeschrevve! Ävver ich denke, dat Ühr Hääre, wann et gaanit flupp, ene aalen Ööskircher für ze Dolmetsche oppdrieve könnt! Et gitt jo emmer noch den eenen on anderen, dä enen „Grönnes“ noch net met „Jromet“ verwähselt!

(Dä Breef vom Dokte Winter kom em Aujuß op oes Desch. Et woe jrad noch Zick ën en die nöie Kalende ze don.

Et Amt für Kultur en de Kreisverwaltung)

Entnommen: Heimatkalender des Kreises Euskirchen 1959